ЛэБронд төрсөн өдрийн мэнд хүргэе!

ЛэБрон 25 хүрлээ өнөөдөр. Энэ гайхамшигтай авъяаслаг тамирчин 25 хүртлээ ихийг амжуулжээ.

Драфтын 1, НБА-гийн Оны Рүүкий, Олимпийн алт, НБА-гийн ЭМ-ВИ-ПИ болсон байх юм. 25 хүртлээ авсан оноо нь 13927 буюу НБА-гийн түүхэн дэх хамгийн өндөр оноо болжээ. Түүний араас Мэло, Коби, МакГрэйди нарын үзүүлэлт жагссан байна.

Өнөөдөр багийн анд Варэжао төрсөн өдрийн бэлгээ мэргэжлийн сагсан бөмбөгчин болсноосоо хойш анх удаа 3-аас бөмбөг оруулж барилаа. Үнэхээр гайхамшигтай! Довтолгооны 24 секунд яг дуусах гэж байхад гурвын шугамын яг араас бөмбөг хийж багтаа ялалт, ЛэБронд төрсөн өдрийн гайхамшигт бэлэг авчирлаа!

Энэ мөчийг дараах Юү-түүвийн видеоноос үзээрэй.



Шинэ оны мэнд хүргэе!

Гайхамшиг Лэйкэрст тохиолдов

Лэйкэрс 5-хан тоглолтоор Орландог буулгаж авав. Гайхамшиг. Коби тэргүүтэй Лэйкэрсчүүд энэ жил үнэхээр бусдаас давуу, хашраа харуулж түрүүллээ. Тэдний замд санасныг бодоход хэцүү даваанууд учирсан. Яо, МакГрэйдигүй Хьюстонтой 7 тоглож, Биллапсыг авснаас хойш цоо шинэ болж өөрчлөгдсөн Дэнвэртэй 6 тоглож байж финалд шалгарсан.

Финалд ч бас хэцүү сорил тулгарч байв. Лэйкэрсийн нэмэлт цагаар хожсон хоёр тоглолтод Орландо бараг л хожино алдсан. Коби анх удаа финалын ЭМ ВИ ПИ боллоо. Коби Жорданаас хойш төрсөн хамгийн агуу тоглогч болохоо харуулж чадлаа. Лэйкэрсчүүддээ болон Лэйкэрсийн бүх фэнүүдэд баяр хүргэе.

Сүүпэрмэн Кэй Би 24-ийн эсрэг

ЛэБрон тэргүүтэй Кливлэндчүүд финаалд шалгараагүй ч Сүүпэрмэн хочит Двайт Ховард, KB24 нар үлдсэн нь финаалыг тун сонирхолтой болгож байна.

Спортын ихэнх тоймчид Лэйкэрсийг түрүүлнэ гэж ярьж байгаа ч би өөрийн энгийн ухаанаар задлан шинжилсэн таамаглалаа доор өгүүлсү:

1. Улиралд хоёр баг хоорондоо хэрхэн тоглосон бэ? Орландо Лэйкэрстэй 2 удаа тоглохдоо хоёуланд нь ялсан байна. Гэхдээ эдгээр ялалт нь тун ойрхон оноогоор буюу 3-6 онооны зөрүүтэй ялалт байна. Түүнчлэн Хүчирхэг Хулгана (Mighty Mouse) хочит Жамиер Нэлсон эдгээр тоглолтод 27, 28 оноо тус тус авч ялалтад томоохон хувь нэмэр оруулж байжээ. Жамиер Нэлсон түүнээс хойш мөрөндөө бэртэл аван, улиралд дахин тоглоогүй билээ. Тэхээр Орландо Лэйкэрсийн эсрэг улирлынх шигээ сайн тоглох эсэх нь бас бага зэрэг эргэлзээтэй болж байна. Сүүлийн үед авсан мэдээллээр бол Нэлсон финаалд тоглох чин хүсэлтэй байгаа бөгөөд баг нь ч бараг тоглуулахаар болж байна. Энэ тал дээр Орландо ямар ч байсан давуу байна.

2. Хөүмкоортын тухайд Лэйкэрс хожлоор илүү тул давамгайлах нь тодорхой.

3. Холбон тоглогчийн хувьд Фишэр плэйоффод ямар муу тоглож байгааг бүгд мэдэж байгаа буй заа. Харин Орландогийн хувьд Хүчирхэг Хулганы оронд авсан Олстон Кливлэндийн эсрэг хэрхэн сайн тоглосныг бүгд харсан. Орландод нэмэх оноо өгье дээ.

4. SG-ийн хувьд Кобиг гүйцэх SG Орландод байтугай энэ дэлхийд байхгүй. Лэйкэрс

5. Жижиг довтлогчийн хувьд Түрк Аризагийн эсрэг. Түркийн гурвын шидэлтүүд Кливлэндийг яаж будаа болгосныг үзсэн хүн бол Орландо арай илүүрхэнэ гэдэгтэй санал нэгдэх буйзаа.

6. Том довтлогч гэхүү хүчний довтлогч гэхүү мээстэн дээр Газоол, Льюис хоёрын тулаан болно. Хоёр тоглогчийн багтаа гүйцэтгэж ирсэн үүргийг нь харахаар бараг тэнцүү талдаа байна. Тэхээр үүнийг нойллоё.

7. Төв: Двайт Ховардыг зүгээр ч нэг Сүүпэрмэн гэж нэрлээгүй байхаа. Байнум урьдын Байнум шигээ тоглож чадахгүй байна. Орландо илт илүүрхэнэ.

8. Нөөц тоглогчид: Ламаар Одом, Саша Вуяжич, Жордан Фармар, Люк Волтон, Мбэнга Рэдик, Пиетрус, Гортат, Баттет, Энтони Жонсоны эсрэг. Энэ тал дээр Лэйкэрс арай илүүрхэж магад. Гэхдээ Орландогийн нөөц тоглогчид бас ч чамгүй сайн тоглолт үзүүлж ирсэн. Ялангуяа Пиетрус, Гортат хоёр маш сайн тоглож байгаа. Гэсэн ч Лэйкэрст оноог өгч байна.

9. Дасгалжуулагч: Фил Жэксон 9 бөгжтэй. Харин Стан Ван Гүнди Док Ривэрс, Майк Браун хоёрыг давсан байдаг. За за Лэйкэрс гэсэн.

Эцсийн дүн 4-4. Өөрөөр хэлбэл энэ хоёрын хооронд доод тал нь 6 тоглолт гарна гэсэн үг. Orlando in 7.

Блогийн гашуудал

Дэнвэр, Кливлэнд багууд бүсийн финалаас гарч чадаагүйтэй холбоотой блогийн гашуудал зарлав.

Энэ хоёр баг хоёулаа 6 дахь тоглолт дээрээ хожигдсон боловч хоёр өөр сэтгэл санааны байдалтай байна.

ЛэБрон Орландогоос явахдаа юу ч дуугараагүй нь Кливлэндийн багийн удирдлага, гишүүд, дасгалжуулагчдад том дохио болж байна. Кливлэнд дүнсийж байна. ЛэБронд энэ зун л Скоттий Пиппэнийг нь олж өгөхгүй бол ЛэБрон 2010 онд өөр аварга болгоё гэсэн багууд руу явах боломж улам ихэснэ гэсэн үг.

Харин Мэлогийн хувьд тун өөдрөг бодолтой байна. Мэло багаа энэ хэвээр нь хадгалбал аваргын цом ойрхон байна гэж хэлжээ. Дэнвэрийн хувьд гол 5 тоглогч нь гэрээ дуусаагүй бөгөөд гэрээ нь дуусч байгаа Крис Андэрсэн, Дантэй Жөүнс, Энтони Картэр нарын тухайд буцаж ирмээр байгаагаа мэдэгдсэн. Дэнвэр юуны өмнө Крис Андэрсэнийг цаашид авч үлдэх сонирхолтой байгаа ажээ. Дантэй Жөүнс ч гэсэн Ди-Лигээс гарч ирсэн гэхэд гараанд гайгүй сайн тоглож, өрсөлдөгч багийнхаа тоглогчдыг нэлээд сайн зовоож чадсан. Тэхээр Дантэй ч гэсэн Дэнвэрт хэрэгтэй байгаа юм.

Энэ зун ч Дэнвэр, Кливлэндийн хөгжөөн дэмжигчдэд урт зун болох нь дээ. Жаахан гунигтай.

Түркоглү = Эло?

ЛэБрон гайхамшгийг бүтээлээ. Өнөөдрийн Орландо-Кливлэндийн тоглолт үнэхээр гайхамшигтай өндөрлөв. Кливлэнд мөн л эхний хагаст 20 гаруй оноогоор давамгайлж яваад 2-3-р үед баригдаж, улмаар цаг дуусахад 10 гаруйхан секунд дутуу байхад оноо тэнцсэн байлаа. Орландо довтоллоо. Түркоглүг бөмбөг оруулсны дараа ганхцан секунд үлдсэн байв. Яг энэ дүр зураг их л танил санагдаж байна уу? Энэ бол 20 жилийн өмнө 1989 онд яг иймэрхүү нөхцөлд Кливлэндийн Элогийн хийсэн бөмбөгтэй адил санагдаж байна.

Дараах үйл явдал ч мөн адил үргэлжилсэн. Кливлэнд завсарлага аваад Мо бөмбөгийг хажуунаас гаргаж гурвын шугамын гадна байх ЛэБрон руу өглөө. ЛэБрон Түркоглүгийн өөдөөс жаахан хөдөлж өөртөө зай гарган шидлээ. Гайхамшиг! Бөмбөг орчихлоо! Түүх давтагдлаа. Гэхдээ энэ удаа Кливлэнд ялагч талд нь байна. Энэ бол эхлэл. Хоёр үйл явдлыг харьцуулахын тулд бичлэгүүдийг нь дор орууллаа.

2009 оны 5-р сарын 22 ЛэБроны гайхамшигт шидэлт



1989 онд Майкл Жорданы хийсэн гайхамшигт шидэлт

Биллапс чөтгөрийн зулзага

Дэнвэр Наггэтс авах ёстой ялалтаа авлаа. Тэд үнэхээр Лэйкэрсээс илүү гэдгээ талбай дээр нь тоглосон хоёр тоглолтоор харуулж чадлаа. Эхний тоглолтод хоёрхон оноогоор хожигдсон нь тэдний хэр сайн тоглосныг харуулна.

Өнөөдрийн гайхамшигт ялалтыг авчрахад Мэло их үүрэг гүйцэтгэсэн. Мэло одоо л өөрийгөө сүпэр старын зиндааны тоглогч гэдгээ мэдэж, өөртөө итгэлтэй тоглож сурчээ. Өнөөдөр Кобиг сайн хамгаалсан. Урьдны Мэло 180 хэм өөрчлөгдсөнийг энэ жилийн плэйофф тод томруун харуулж байна. Мэло гэж Лэйкэрстэй тоглохоор л гөлөг болчихдог байсан бол энэ жил үнэхээр тэс өөр байна. Эхний тоглолтод 39 оноо авсан бол хоёрдахь тоглолтод 34 оноо авснаас гадна, 9 удаа самбараас бөмбөг авчээ. Сүүлийн үед Дэнвэрийн фэнүүд Мэло Эйр Жордан өмсдөг юм чинь Найкийн сурталчилгаанд Мэлогийн хүүхэлдэйн дүрс Коби, ЛэБрон хоёртой хамт тоглох ёстой гэцгээж байна. Бүр зураг төслийг нь хүртэл гаргажээ.

Өнөөдрийн тоглолтын бас нэг баатар Линас Клэйза байлаа. Линас Лэйкэрстэй тоглохоор л тоглолт нь сэргэдэг, бусад үед нь алга болчихдог сонин гар шүү. Ноднингийн плэйоффод Линас л Лэйкэрстэй ана мана үзэж байсныг та нар санаж байгаа биз дээ? Линас энэ эрчээрээ Лэйкэрсийг нухахад томоохон үүрэг гүйцэтгэх байхаа гэж найдна. Жич: Линасын Лэйкэрстэй тоглохоор ингэж сайн тоглодгийн учир нь Линас Лэйкэрс рүү явахыг хүсдэгт байгаа юм гэж бас зарим хүн ярьж байх юм. Хэ хэ хэ.

Энэ тоглолтод гарсан нэг тохиолдлыг дурдахгүй өнгөрөхгүй байж болохгүй байна. Энэ бол Биллапс Кобигийн нуруун дээр бөмбөгөө ойлгож аваад лэй-ап хийсэн явдал юм. Биллапс анх энэ залийг бүүр ахлах сургуулийн сурагч байхдаа хэрэглэсэн гэдэг. Тэр үед мань нөхөр бөмбөг хийхийн тулд бөмбөгөө шийдний доор аваачих хэрэгтэй байжээ. Энэ бол Колорадо муж улсын аварга шалгаруулах тэмцээн байлаа.

Ядаж байхад багийнх нь нэг ч хүүхэд чөлөөтэй биш байв. Цаг явсаар шүүгч нэг, хоёр, гурав гэж тоолоод л... Тав тоолчихвол дуусаа. Биллапс сандрахгүйг хичээж байв. Тэр Дэнвэр хотын түүхэнд гарсан хамгийн аугаа сагсан бөмбөгч - сурагч байсан тул зааланд пиг цугласан үзэгчид түүнийг л харах аж. Бөмбөгөө алдвал ониг. Ерөөсөө л зохион байгуулалт, төлөвлөгөөгүй байна гэдэг түүний хувьд огт тэвчишгүй зүйл. Бүр үзэн яддаг. Гэнэт түүнийг хамгаалж байсан айлын багийн хүүхэд нуруугаа түүн рүү харуулахыг ажиглаад, бөмбөгөө хамгаалагчийн нуруу руу шидэж ойлгоод, өөрөө бөмбөгөө авч хоёр гараараа даанк хийжээ. Өөрөө өөртөө оновчтой дамжуулалт өгч, өөрөө бөмбөгөө хийсэн явдал энэ ажгуу. Биллапсын эмээ Флорэнс Грэшэм гуай л ганцаараа ач хүүгийнхээ энэхүү зүггүйтлийг буруушаасан аж. Эмээ нь мань нөхөрт "өрсөлдөгчөө хүндэлж, зөв тоглож сур" гэж захьдаг байжээ.

2009 онд Биллапс эмээгийнхээ энэ захиасыг таг санажээ. Боломж тохиов. Коби нуруугаа түүн рүү харууллаа. Өөр дамжуулчих хүн даанч байсангүй. Юу бодохов. Шууд Кобигийн нуруун дээр бөмбөгөө ойлгож өөртөө оновчтой дамжуулалт өгчээ. Үзээрэй. Үнэхээр тасархай.

Коби-ЛэБроны хүүхэлдэйн клипүүд

Саяхан Найк Коби, ЛэБроны хүүхэлдэй бүхий зар сурталчилгааны клипүүд хийлгэжээ. Үнэхээр зугаатай клипүүд болсон байна.

Хэн ч зогсоож дийлэхгүй ...



Шохой гэж



Гурван бөгж

Эхний тоглолтууд юу хэлэв?

Наггэтс-Лэйкэрсийн тоглолтын хувьд Наггэтс тоглолтын турш давуу явсан боловч төгсгөлөө хийж чадсангүй. Дээр нь торгуулийн шидэлтээ сайн гүйцэтгэж чадаагүй нь хожигдоход нь их нөлөөллөө. Дэнвэрийн энэ плэйоффод хожигдсон гурван тоглолтыг авч үзэхэд гурвууланд нь 11-12 торгуулийн шидэлт алдаж, гурвууланд нь 2-хон оноогоор хожигджээ. Тэхээр энэ талаа анхаараад жаахан сайжруулбал Лэйкэрсийг угсраа гурав хожиход ядах юмгүй мэт харагдаж байна. Жич: 1. Жэрри Вэст ЛэБроныг Кобигоос илүү болжээ гэж хэлсэн нь Кобиг хурцлаад өгсөн байж магадгүй гэлцэж байна. 2. Дасгалжуулагч Жорж Карл эцсийн мөчид тэнэг шийдвэр гаргасан. Энтони Картэрээр шийдвэрлэх дамжуулалтыг гүйцэтгүүлэх шийдвэрийг яагаад гаргасан нь одоо болтол тайлаагүй оньсого хэвээр үлджээ.

Кливлэнд-Орландогийн тоглолтоос нэг л танил зүйл харагдлаа. Юу вэ гэвэл Кливлэнд урьд жилүүдийн плэйоффод эхний хагаст сайн тоглож, гуравдахь үед миарч, дөрөвдэх үед давамгайлж чадахгүй байсаар хожигддог байсан. Яг энэ байдал давтагдаж байна. Түүнээс гадна ихэд найдлага хүлээлгэж байсан Кливлэндийн нөөц тоглогчид маш муу тоглож дөнгөж 5-хан оноо авчээ. Тэгэхэд Орландогийн нөөц тоглогчид 25 оноо авсан. Мо Виллиамс ч бас Мо Виллиамс. Дээр нь бас Дэлонтэ Вэст шийдвэрлэх үед бөмбөгөө хийж чадсангүй. Кливлэнд энэ жилийн плэйоффод анхныхаа сорилтой тулгарлаа. Үүнийгээ л давчихвал аваргын цом ч ойрхон байна даа.

ЛэБрон дахиад 4-0 дох уу?

Кливлэнд Кавальерс-Орландо Мэжик

1. Улирлын тоглолтуудад Орландо 2-1 харьцаатай давуу тоглолт үзүүлжээ. Гэхдээ өөр өөрсдийн талбай дээр хожицгоосон байна. Өөрөөр хэлбэл Кливлэнд өөрийнхөө талбай дээр нэг тоглохдоо Орландог хожсон бол Орландо мөн өөрийнхөө талбай дээр хоёр удаа хожжээ. Энэ тал дээр Орландо давуу гэж болно.

2. Холбон тоглогчийн хувьд Орландогийн гол холбон тоглогч Жамиэр Нэлсон гэмтэлтэй тоглохгүй байгаа бөгөөд оронд нь гараанд гарч буй Олстон тийм ч сайн тоглолт үзүүлэхгүй байгаа. Харин Кливлэндийн холбон тоглогч Мо Виллиамс багийнхаа амжилтын нэг гол хүчин зүйл болсоор ирсэн. Тэхээр Кливлэндийг давуу гэж тооцъё.

3. Shooting guard байрлал дээр Дэлонтэ Вэстийн эсрэг Коортний Лий. Энэ тал дээр аль аль нь нэг их илүү гарч шалихгүй. Тэхээр тэнцээ гэж тооцъё.

4. Довтлогчийн байрлал дээр хаан Жэймсийг гүйцэх хүн НБА даяар байхгүй. Түрэг залуу хаана нь ч хүрэхгүй. Кливлэнд

5. Завьжны довтлогч билүү power forward-ийн байрлалд Рашард Льюис Варэжаогийн эсрэг давамгайлсан тоглолт үзүүлэх магадлалтай. Орландо.

6. Төвийн тоглогчийн хувьд НБА-гийн шилдэг хамгаалан тоглогч Ховард, өөрөөсөө 3 инч өндөр Илгаускасын эсрэг тоглоно. Орландо.

7. Нөөц тоглогчдын хувьд Кливлэндэд хашир туршлагатай Биг Бэн, Шэрбяк, Саша Павлович, гурвын буу Бүүбий Гибсон бий. Илүүрхэх буйзаа. Кливлэнд

8. Кливлэндийн дасгалжуулагч Майк Браун багаа нэг удаа финалд, нэг удаа бүсийн финалд тоглуулж байсан хашир толгой. Нөгөө талын дасгалжуулагч нь Шаакын хэлснээр "пайникийн мастер" Стан Ван Гүнди шүү дээ. Кливлэнд

9. Шүүлт: НБА Коби-ЛэБроны тулааныг хүсч байх магадлалтай тул ЛэБронд илүү талтай хандаж магадгүй. Кливлэнд

10. Хөүмкоорт: Кливлэнд 1-р гарсан тул ойлгомжтой.

Ингээд арван үзүүлэлтээр дүгнэхэд 6-3-1-р Кливлэнд илт илүү байна. Миний эцсийн таамаг Кливлэнд 4-1 харьцаатай хожих болов уу гэж бодож байна.

Бүсийн финалуудын хувь заяаг зөгнөхүй: Баруун Бүс

Сүүлийн үед миний хэлсэн мэргэ төлөг их таараад зөн билигтний тулаанд үзэх дайны юм болж байнаа. За тэр ч яахав. Гол асуудалдаа оръё. Миний гарч ирнэ гэж таамагласан 4 баг гараад ирчихлээ. Эд хоорондоо хэр үзэлцэх вэ гэдгийг ажиглагчийн хувьд задлан шинжилснээ толилуулъя.

Лос-Анжэлэс Лэйкэрс - Дэнвэр Наггэтс

1. Юуны өмнө улирлын тоглолтуудад хэр тоглосныг нь үзвэл Лос-Анжэлэс Лэйкэрс 3-1 харьцаатай илт давуу хожсон. Энэ тал дээр Дэнвэрийн хувьд ярих юм үнэндээ алга. Лэйкэрс

2. Холбон тоглогчийн хувьд Дэнвэрт энэ жил Биллапсын үзүүлж буй нөлөө ямар их байгааг НБА сонирхогч хүн бүр мэдэж буй тул нуршихаа зогсъё. Энэ байрлал дээр Дэнвэр илт давуу байгаа нь харагдаж байна. Дэнвэр

3. Шиддэг хамгаалагч гэх үү, оноочин хамгаалагч гэх үү байрлал дээр Кобиг гүйцэх тоглогч НБА даяар үзээд өгье ч гэсэн олдохгүй. Шууд Лэйкэрс

4. Довтлогчийн байрлал дээр Лэйкэрсийн Ариза Мэлог яагаад ч барахгүй нь тодорхой учир Дэнвэрт оноо өгөв.

5. Завьжны довтлогч билүү power forward-ийн байрлалд По Газоол сүүлийн үед ямар мундаг тоглогч болохоо харуулж байгаа. Гэхдээ Дэнвэрийн Кэнион Мартин энэ жил ямар мундаг хамгаалан тоглож байгааг анзаарсан бол бас басч болохгүй. Лэйкэрс жаахан илүүрхэж магад.

6. Төвийн тоглогчийн хувьд харин ярих юм бий. Лэйкэрсийн олимпийн ганц найдвар Байнум энэ жил урьдын Байнум шиг тоглолт үзүүлэхгүй байна. Хамгийн сүүлийн Хьюстонтой хийсэн тоглолтод л жаахан гайгүй тоглолт үзүүлсэн. Гэсэн ч Дэнвэрийн ид сайхан тоглож байгаа, Байнумаас нуруугаар намхан Нэнэтэй зэрэгцүүлэхэд арай л дутуудах байхаа. Дэнвэрт оноо өгч байна.

7. Нөөц тоглогчдын хувьд Лэйкэрс, Дэнвэр хоёулаа шилдэг дөрвөн тоглогчийнхоо нэгийг нөөцөнд байлгадаг. Тухайлбал Одом, Ж. Р. Смит нар юм. Бусад тоглогчдыг ч гэсэн харгалзуулан оноож болно. Тухайлбал Саша Вуяжичийг Линас Клэйзатай, Жордан Фармарыг Энтони Картэртай гэхчлэн оноож болно. Дэнвэрт харин нэг шинэ хүчтэй зэвсэг ирсэн нь Крис Андэрсэн билээ. Крисийн тоглолт бүрт хийдэг олон блокшот, самбараас бөмбөг авалт Дэнвэрийн амжилтыг өөд нь татна гэж бодож байна. Ингээд Дэнвэрт оноо өгье дөө.

8. Дасгалжуулагчийн тухайд 9 хуруундаа бөгжтэй хүнтэй юу ярихав дээ. Лэйкэрс

9. Шүүлт: Лэйкэрсийн талд их дуугарах байхдаа. НБА Коби-ЛэБроны тулааныг л хүсч байна. Тиймээс шүүгчид энэ нөхцлийг бүрдүүлэхийн төлөө хичээн ажиллах буй заа.

10. Хөүмкоорт: Лэйкэрс 1-р гарсан тул ойлгомжтой.

Ингээд арван үзүүлэлтээр дүгнэхэд 6-4-р Лэйкэрс жаахан илүүрхэж байна. Гэхдээ эцсийн дүндээ Лэйкэрсийн авсан оноонуудын нэлээд нь тоглогчдоос хамаарахгүй зүйлс байгаа тул Дэнвэр Лэйкэрсийн талбай дээр 1-2 удаа хожсоноор нийт 6 тоглолтын дараа энэ жил түүхэндээ анх удаа НБА-гийн финалд шалгарах нигууртай гэж бууж байна.

Двайт Ховардын бухимдал тэсэрсэн нь

Өнөөдөр Бостонд хожигдсоныхоо дараа Двайт Ховард ихэд бухимджээ. Аргагүй л дээ. Бухимдах шалтгаан их байна даа. Өнөөдөр сүүлийн дөрөвдүгээр үед бөмбөг Ховардаас бусад тоглогчид руу очихыг харж залхжээ. Тэгээд урамгүй тоглолтын дараа хэлсэн үг нь "Танай багт хүчээр давамгайлдаг тоглогч байна. Түүндээ давамгай байх боломжийг нь өг л дөө" гэжээ. Сүүлийн тоглолтод Орландогийн хийсэн сүүлийн 8 шидэлт оновчгүй болжээ. Яагаад Ховардад өгөхгүй тоглуулаад байнаа гэж залуу сүпэрстар бухимдсан байна. Угаасаа Стэн Ван Гүнди өмнө нь Шаакыг ид үедээ байхад ч Орландог аварга болгож чадаагүй билээ. Шаак ямар сайндаа Ван Гүндийг "Пайниканд оруулах мастер" гэж хочлох вэ дээ, сүүлд.

Ховард ч Шаакын хойноос орох юм биш биз? Энэ янзаараа бол Орландо Ховардыг алдах вий дээ. Ховард аргагүй бухимджээ. Дасгалжуулагч нь гэж нэг олхиогүй нөхөр. Дэлхийн хамгийн шилдэг төвүүдээр аварга хийж чадахгүй. Өмнө нь Шаак, одоо Ховард.

Дахиад л 4-0, дахиад л 10 оноогоор хожив

ЛэБрон тэргүүтэй Кливлэнд амьд үхдэл болсон Атлантаг шүүрдэж цэвэрлэв. Тэхдээ дахиад л 10 оноогоор хожлоо. НБА-гийн түүхэнд плэйоффод 8 дараалан 10-аас дээш оноогоор хожсон баг байхгүй. Миний хэлсэнчлэн фо фо фо файв болох юм биш биз? Бүсийн финалд учрах баг нь 7 тоглолтоор чүү нэг тодрох болов уу. Аль нь ч гарч ирсэн хэд хоног сайхан амарсан Кливлэндтэй тулна. Дахиад л бараг фо болж магадгүй.

Энэ жил ЛэБроныг торгоох хүч хаана ч алга байна. Баруун талын Лэйкэрс гэхэд л бүрэн бүрэлдхүүнээр тоглож байж л Яогүй, МакГрэйдигүй, Мүтомбогүй Хьюстоныг л барахгүй байна шүү дээ.

Лэйкэрс ч азгүй тахианууд юм даа. Энэ жил ЛэБронд хусуулах л байх даа.

Хүлээлт...

Дэнвэр, Кливлэнд хоёр яах бол? Дөрөв нойльдох уу яах бол? Тоглолт эхлэхэд 10 цаг дутуу байна. Кливлэнд бараг 4-0 дэх байх, харин Дэнвэр жаахан чардайх болов уу гэж бодож байна.

Гайхашруулсан өдөр

Өнөөдөр Хьюстон Лэйкэрсийг илт давуу хожиж бүгдийг гайхашруулав.
МакГрэйди байхгүй, дээр нь Яо Минь уржигдар бэртээд улирлаа дуусгасан байтал өнөөдөр Хьюстон Лэйкэрсийг бутниргэв. Брүүкс, Баттьер хоёр гайхамшигтай тоглолт үзүүлжээ. Үнэхээр amazing happens. Энэ цуврал яаж дуусах бол? Лэйкэрсийг хожно гээд таамаглаад байсан. Арай хожигдчих юм биш байгаа. Тэгвэл ч ... ккк

Таамнал биелэх тал руугаа орж байна

Зиаг миний таамнал биелэх шинжтэй болоод явчихлаа. Лэйкэрс Хьюстоныг талбай дээр нь хожчихлоо. Дээр нь Яо Минь энэ улиралд дахин тоглохгүй боллоо. Одоо Лэйкэрс миний таамаглаж байснаас (Лэйкэрс 6 тоглоод хожно гэсэн) нэг тоглолтын наана хожих магадлалтай болж байна.

Орландо Бостоныг илт илүүрхэн хожив. Одоо хоёр хожих л дутуу байна. Миний таамаглалтай бараг л дөхөх болов уу. Бостон Двайт Ховардыг л зогсоож дийлэхгүй бол наана нь хусуулж магад.

Дэнвэрийг би 5 тоглоод хожно гэсэн чинь бас л арай илүү хэлсэн юм болов уу. Мэло сүүлийн хоромд гурваас оруулж Дэнвэр Далластай 3-0 харьцаатай боллоо. Сүүлийн шидэлтийн өмнө Далласын Райт Мэлог хоёр удаа мөргөсөн боловч шүүгч нар алдаа заагаагүйгээс болж Дэнвэр үндсэн цагтаа хожиж чаджээ. Гэхдээ би ойлгохгүй юм. Райт үнэхээр илт алдаа хийе гэж бодсон бол Мэлог шууд л тэврээд авахгүй яасан юм бол доо гэж. Тэгсэн бол шүүгч алдаа өгөх л байсан байх даа. Одоо Далласын фэнүүд хэдэн жилийн турш шүүгчдийн энэ алдааг л ярих байх даа. Ха ха ха.

Кливлэнд Атлантаг 5 тоглож хожно гэсэн бас л цаанадуулсан бололтой. Жэймс сагсан бөмбөгийн хаан болохоо дахин харуулав. Ийнхүү дараалан 10-аас дээш оноогоор хожсон плэйоффын тоглолтын тоогоороо НБА-гийн рекордыг эвдэвээ. Атланта эхний гурван үед овоо тоглолт үзүүлэх шинжтэй байсан боловч сүүлийн үед Жэймсэд үнэн дээрэлхүүллээ. Филадэлфи 76-ийн Мөүзэс Мэлөүн (нөгөө Эм Ви Пи залуудаа авсан гэгддэг) 1983 оны плэйофф эхлэхээс өмнө сурвалжлагч нар яаж тоглохыг нь асуухад "fo fo fo" гэсийм гэнэлээ. Сурвалжлагч нар сүүлд тэрийг нь "four four four" гэж тайлж уншсан гэнээ. Тэр үед плэйоффод 3 раунд тоглоод л аварга болдог байж л дээ. 4-0, 4-0, 4-0-дэнэ гэсэн юм байна л даа. Тэгээд эхний учраагаа 4-0-доод, хоёрдахь учраагаа 4-1-дээд, финалд Лэйкэрсийг 4-0-дож аварга болсон түүхтэй ажээ. Энэ жил Кливлэнд тэх шинжтэйдэг шүү. Cleveland fo fo fo five!!!

Кливлэнд аймаар байнаа....

Кливлэнд НБА-гийн түүхэнд плэйоффт 6 тоглолт дараалан 10-аас дээш оноогоор хожсон хоёрдахь баг боловоо. Өмнө нь 2004 онд Индиана тэгж байсан гэнээ. Үнэхээр хол давуу тоглолт үзүүлж байна. Атланта Кливлэндэд юу ч болохгүй нь бараг тодорхой болж байна.

Дээр нь өнөөдөр Эл Хорфорд нь байсангүй. Жой Жонсон өнөөдөр бас гэмтэл авчихав уу яав? Ерөөсөө өөдлөхгүй нь ээ энэ Атланта. Дахиад л sweep болох шинжтэй болоод явчихлаа. Хоёр багийг дараалан 4-0. Тэхдээ бүр дандаа 10-аас дээш оноогоор хожиж байх юм.

Энэ жил Кливлэндтэй өрсөлдчих баг алга уу? Таминь ээ. Эхний хагасын сүүлийн мөчид Жэймсийн 40 фүүтээс шидсэн гурвын шидэлтийг харсан л биз дээ. Тасархай.

Даагаа нэхэх өдөр

Бостон Сэлтикс, Лос Анжэлэс Лэйкэрс багууд өнөөдөр даагаа нэхэв. Хоёулаа эхний тоглолтууддаа хожигдсоны дараа тоглолтын тактикаа дахин сайн нягталжээ. Өөр юү гэхэв. Одоо эсрэг багуудынхаа талбай дээр очиж тоглоцгооно. Тэр үед л өнгөрсөн жилийн финалистууд энэ жил шийртэй байгаа эсэхийг жинхэнээсээ харах боломж олдох байх даа.

Тоглолтын онцлогуудаас дурдвал Лэйкэрс - Хьюстоны тоглолт нэлээн цус урсгасан ширүүн тулаан болж өндөрлөжээ. Зөндөө олон техник, зөндөө олон санаатай алдаа авчээ. Артэст сүүлийн үед талбайгаас хөөгдөөгүй бол Хьюстон яах ч байсан юм билээ мэдэхгүй.

Бостоны хувьд Рондо нэгэн гайхамшигт даанк хийж Орландогийн зүрхийг бага зэрэг чичрүүлээд авчээ.

ЛэБрооооон..... чи шүүүүүүү

ЛэБроны хаанчлалын үе ирж байна. MVP цолыг нь өгөхдөө Стэрн ЛэБроны хувиа боддоггүй шинж чанарыг нь цохон тэмдэглэжээ. Тиймээ ЛэБрон 24-хөн настай, амиа огтхон ч боддоггүй, багийн ялалтыг нэн тэргүүнд тавьдаг, тамирчны ёс зүйг хатуу баримталдаг, хөдөлмөрч, уйгагүй, жилээс жилд улам өсөх СҮҮҮҮҮПЭР СТАРРРРР. Өрсөлдөгч багийнх нь дасгалжуулагч Майк Вүүдсон хүртэл "Би насандаа ийм залуу, ийм агуу чадвартай, ийм бие бялдартай, ийм хөдөлмөрч тамирчин хараагүй. Тэгээд дөнгөж 24-тэй шүү. Тэр улам өснө. Тэрнээс л би айж байна" гэж бишрэн өгүүлжээ.

Атланта Дэтройтын хойноос орох нь бараг л тодорхой болж байх шиг. Кливлэндэд үнэхээр юм болохгүй байнаа. Өнөөдөр Илгаускас ч олигтой тоглоогүй шүү дээ. Тэхэд л 27 оноогоор хожно гэдэг. Аа яа яа яа.

Атлантагийн Жош Смит, Майк Бибби хоёр ямар муу тогловоо. 30 шидээд дөнгөж 9-ийг нь хийжээ.

Кливлэнд ч шаал өөр баг болжээ. Тэднийг торгоох хүч энэ жил алгаа. Лэйкэрс бүсээсээ гарах гэж л тэвдэж байна шүү дээ. Тэхэд Кливлэнд жинхэнэ бааварлаж байна.

Дэнвэрт бүсийн финал хүрэхэд хоёр тоглолт...

Даллас азгүй баг юм аа. Спөрсийг юмгүй нухсан мөртлөө одоо Дэнвэрт хийцлүүлж байна.
Нэнэгийн тоглолт үнэхээр орчихжээ. Далласыг Нэнэ л будаа болгож байна гэхэд хилсдэхгүй. Бусад тоглогчийн хувьд хэвийн хэмжээндээ л тоглож байна. Мэло ч үүргээ биелүүлж байна. Энэ янзаараа яваад байвал бүсийн аварга ч энүүхэнд байна даа.

Кидд ямар муу тоглож байнаа? Ганц Новицки зүтгээд нэмэргүй л дээ. Ядаж байхад Жош Ховардын хоёр шагай нь хоёулаа гэмтчихдэг. Дэнвэр 4-0-дохоор болчихлоо л доо. Уг нь би 5-0 гэж таамагласан юмсан.

Энэ зурган дээр Кидд, Новицки хоёрын барайлттай байгааг харуулжээ. Азгүй л байна даа. Далласчууд ...

MVP-ийн санал асуулгын дүн

Жэймс Лэброн 1172 оноо (121 хүнээс 109 нь Жэймсийг нэгт бичжээ)
Коби Брайант 698 оноо (121 хүнээс 2 нь л Кобийг нэгт бичжээ)
Дуэйн Вэйд 680 оноо (121 хүнээс 7 нь Вэйдийг нэгт бичжээ)
Двайт Ховард 328 оноо
Крис Пол 192 оноо тус тус авч Жэймс Лэброн төвөггүй энэ шагналын эзэн болжээ гэж.

Лэйкэрс амиа чангаалгав

Миний таамналдаа өгүүлсэнчлэн Яо Минь, Луйс Скола хоёр Лэйкэрсийн амийг чангаав. Байнум тоглолтдоо эргэж орохгүй бол Лэйкэрс өөрсдөө харин мултрах хандлагатай болж байна. Зөвхөн дээрх хоёрын онооны нийлбэр (38) Лэйкэрсийн гарааны фронткоортын тоглогчдын нийлбэр онооноос (34) илүү байна. Артэст, Брүүкс хоёр ч гэсэн үүргээ сайн гүйцэтгэжээ. Тэр хоёрын онооны нийлбэр (40) Коби, Фишэр хоёрынхтой тэнцэв.

Лэйкэрсийн нөөц тоглогчид ч гэсэн илүүрхэж гавьсангүй, бараг л тэнцүү тоглолт үзүүллээ.

Хьюстон энэ тоглолтод эхнээсээ дуусан дуустал бараг бариулсангүй тоглолоо. Энэ эрчээрээ ноднингийн бүсийн аваргыг плэйоффоос мулталж магадгүй оргиод явчихлаа.

Орландо-Бостоны эхний тоглолт миний санаснаар болов

Сүүлийн үед НБА-гийн тоглолтыг сүрхий таагаад байдаг болжээ. Орландо-Бостоны тоглолт яг миний хэлээд байснаар Двайт Ховардын давамгайллаар дууслаа. Ховард Филадэлфитэй тоглох сүүлийн тоглолтод тоглоогүй тул өчнөөн хоног амарсан нь бас сайн амжилт гаргахад нь нөлөөлсөн байж болох талтай. 22 удаа самбараас бөмбөг авсан нь багийнхаа нийт самбараас авсан бөмбөгийн (40) талаас илүү нь болж байна.

Гарнэтгүй, дээр нь Чикаготой 7 тоглохдоо, 7 удаа цаг сунгаж тоглосон Бостон бараг миний таамагласнаас ч наана хусуулж магадгүй болоод явчихлаа шүү. Орландо ч бүсийн шигшээд үлдэх нь бүүр тодорхой болов.

Өнөөдрийн тоглолтод ганц санаа зовоосон зүйл гарсан нь 28 оноогоор түрүүлж явж байгаад сүүлийн 16 минутанд бараг бариулах шахсан явдал юм.

Үүн дээрээ илүү сайн анхаарч тоглох байх гэж найдаж байна.

Жэймс Лэброн ЭМ ВИ ПИ

Жэймс Лэброн MVP болох нь тодорхой боллоо. Өнөөдөр өөрийнхөө төгссөн ахлах сургууль дээр шагналаа гардан авах нь. 1978-79 онд Мөүзэс Мэлоун энэ шагналыг 24 нас 16 хоногтойдоо авснаас хойш MVP болсон хамгийн залуу тоглогч болох нь ээ. Жэймс одоо 24 нас 106 хоногтой.

Мөн Кливлэнд Кавальерс багаас энэхүү хамгийн нэр хүндтэй шагналыг хүртсэн анхны тоглогч болж байна.

Энэ улиралд багаа 66 ялуулж, нэг тоглолтод дунджаар 28.4 оноо, 7.6 самбараас бөмбөг авалт, 7.2 оновчтой дамжуулалт хийсэн нь түүний Оскар Робэртсон шиг олон талын чадвартай тоглогч болохыг харуулж байна.

Плэйоффын эхний тоглолтод Дэтройтыг 4-0-дахад 32 оноо, 11.3 самбараас бөмбөг авалт, 7.5 оновчтой дамжуулалт хийсэн.

Кливлэнд урагшаа!

Бүсийн шигшээд хэн хэн шалгарах вэ

Өрнөд бүсийн хагас шигшээд тэмцэлдэх багууд тодорсон, Дорнод бүсээс Майами-Атлантагаас бусад нь тодорсон өнөөдрийн байдлаар бүсийн шигшээд тодрох багийг шинжсэн таамаглалаа дэвшүүлье.

Өрнөд бүс

Өрнөд бүсээс Дэнвэр-Даллас, Лэйкэрс-Хьюстон хоорондоо тоглоно.

Дэнвэр Наггэтс-Даллас Маврикс

1. Дэнвэр улирлын тоглолтууддаа Далластай 4 тоглож 4 хожсон. Гэхдээ 3 удаа нь дөнгөж 2-3 оноогоор хожсон. Улирлын тоглолтын үзүүлэлтээр Дэнвэр давуу байна.

2. Арын тоглогчид буюу backcourt-ийг нь харьцуулбал Чоонси Биллапсыг Жэйсон Киддтэй харьцуулахад арай л илүүрхэхээр байна. Үүнээс гадна Дантэй Жөүнс сүүлийн тоглолтуудад тоглолт нь эрс сэргэж ирснийг бас тооцох хэрэгтэй. Тэхээр энд Дэнвэр давуу талтай байна.

3. Урд талын тоглогчид буюу frontcourt-ийг нь харьцуулбал Нэнэ, Мэло, Кэнён Мартин нар Новицки, Жош Ховард, Дампер нарыг гаргаахгүй гэж тооцож байна. Тэхээр Дэнвэр мөн л давуу байна.

4. Дасгалжуулагчийн хувьд Жорж Карл Рик Карлайл нарын туршлага, чадвар бараг л тэнцүү гэхэд болно доо.

5. Сэлгээний тоглогчдыг нь харьцуулбал, Жэй. Р. Смит, Крис Андэрсэн хоёр энэ улиралд ямар тоглолт үзүүлж байгааг харсан буй заа. Энэ хоёр Далласын Тэрри, Бареа тэргүүтэй бээнчийг дагуулахгүй тоглоно гэж бодож байна. Энэ үзүүлэлтээр би Дэнвэрт оноо өгч байна.

6. Эцсийн бөгөөд чухал хүчин зүйл бол хөүмкоорт буюу талбай дээрээ илүү тоглох эрх. Үүгээрээ хоёроор гарсан Дэнвэр мэдээж илүү.

Энэ бүгдээс үзэхэд Дэнвэр 5 тоглолтоор Далласыг ялах магадлалтай. Denver in 5.

Лос-Анжэлэс Лэйкэрс-Хьюстон Рокэтс

1. Лэйкэрс улирлын тоглолтууддаа Хьюстонтой 4 тоглож 4 удаа илт давуу хожсон. Лэйкэрс.

2. Арын тоглогчид буюу backcourt-ийг нь харьцуулбал туршлагаар ч, чадвараар ч Лэйкэрс хамаагүй давуу. (Коби, Фишэр vs Рон Артэст, Аарон Брүүкс)

3. Харин урд талын тоглогчид буюу frontcourt-ийн хувьд Хьюстонд НБА-гийн хамгийн өндөр чадварлаг төв Яо Минь, уран бөгөөд яс тоглолттой Луйс Скола нар байгааг мартаж болохгүй. Эдний эсрэг пайниканд орсон Байнум, зөөлөн тоглолттой По Газоол нар байна. Баттьер, Ариза хоёр дүндээ дүн тул дурдсангүй. Тэхээр энд л Хьюстон жаахан Лэйкэрсийн амийг чангаах байх даа.

4. Дасгалжуулагчийн хувьд Фил Жэксон, Рик Адэлман нар олон жил Өрнөд бүсэд хоорондоо тулгарч байсан хоёр. Хоёулаа хашир туршлагатай. Гэхдээ Филийн хуруунд хэдэн бөгж байдаг билээ дээ. Энэ тал дээр Лэйкэрс илүү.

5. Сэлгээний тоглогчдоор Лэйкэрс хамгийн хүчтэй багуудын нэгд зүй ёсоор тооцогдож байгаа. Хьюстоноос ганц хоёр л гайгүй сэлгээний тоглогч бий. Карл Ландри, Вэйфэр хоёр л юм даа. Бусад нь ч мэдэхгүй ээ. Харин Лэйкэрст Оодом, Фармар, машин хочит Вуяжич нар байгаа. Лэйкэрс илүү илүү.

6. Хөүмкоортоор нэгээр гарсан Лэйкэрс мэдээж илүү.

Ингээд Лэйкэрс 6 тоглолтоор л Хьюстонийг амралтанд нь явуулж дөнгөх байх. Lakers in 6.

Дорнод бүс

Бостон-Орландо хоёр тоглох нь тодорхой болсон. Харин Кавальерсийн хувьд Майами-Атлантагийн аль хожсонтой тоглоно.

Бостон Сэлтикс-Орландо Мэжик


1. Бостон улирлын тоглолтууддаа Орландотой 4 тоглож 2 хожиж, 2 хожигдсон. Сүүлийн хоёр тоглолтод Орландо хожсоныг харгалзвал Орландо арай илүү.

2. Арын тоглогчид буюу backcourt-ийг нь харьцуулбал Рэй Аллэн, Ражон Рондо хоёр Коортний Лий, Алстон хоёроос илт давуу. Бостон илүү.

3. Харин урд талын тоглогчид буюу frontcourt-ийн хувьд Орландод НБА-гийн хамгийн хүчирхэг төв, НБА-гийн оны хамгаалан тоглогч Дуайт Ховард, НБА-гийн хамгийн хашир туршлагатай довтлогчдын нэг Рашард Льюис, гурваас ч сайн шиддэг довтлогч Туркоглу нар байхад нөгөө талын цөм болсон тоглогч Гарнэтт гэмтэлтэй учир тоглохгүй, Пол Пийрс, Пэркинс, Биг Бэби нар л гараанд гарна. Энэ талаар Орландо илүүрхэнэ гэж тооцож байна.

4. Дасгалжуулагчийн хувьд Док Ривэрс Стан Ван Гундиг бодвол аварга болж үзсэн. Стан Ван Гундигийн дасгалжуулсан баг эсрэгээр плэйоффод ерөөсөө олигтой явж өгдөггүй. Док Ривэрсэд оноо өгнөө.

5. Сэлгээний тоглогчдоор Бостон туршлагатай "хөлсний цэргүүд" олноор (Ээдди Хауз, Стивэн Марбөри г.м.) авсан тул Орландогоос илүү гарна.

6. Хөүмкоортоор хоёроор гарсан Бостон, гурваар гарсан Орландогоос илүү.

Энэ үзүүлэлтүүдийг харвал Бостон 4-2-оор илүү байгаа ч гэсэн, би Чикаготой 7 тоглохдоо 7 нэмэлт цаг сунгаж үхтлээ тамирдсан, Гарнэттээ алдаж сүнсгүй болсон Бостон 7 тоглолтын дараа хожигдоно гэж тооцоолж байна. Orlando in 7.

Кливлэнд Кавальерс - ?


Одоохондоо нөгөө баг нь тодроогүй байна. Гэхдээ урьдчилан хоёр хувилбараар таамаглалаа хийе.

Кливлэнд-Майами

1. Кливлэнд улирлын тоглолтууддаа Майамитай 4 тоглож 3 хожиж, 1 хожигдсон. Кливлэнд мэдээж илүү.

2. Арын тоглогчид буюу backcourt-ийг нь харьцуулбал Майамид супэрстар Дуэйн Вэйд байгаа ч, нөгөө тоглогч нь шинэков Чалмэрс юм. Харин Кливлэндэд оноочин Мо Виллиамс, дайчин зоригтой Вэст хоёр бий. Энэ тал дээр Майами жаахан илүүрхэнэ.

3. Урд талын тоглогчид буюу frontcourt-ийн хувьд Кливлэндэд энэ гарагийн хамгийн хүчирхэг, хамгийн супер, хамгийн хамгийн тоглогч Жэймс Лэброн бий. Дээр нь Илгаускас хэмээх 7 фүүт 3 инч аварга цамхагийг нэмээд тооцвол Кливлэндийн фронткоорт Жэрмэйн О'Нийл, Хаслэм тэргүүтэй нөгөө талын фронткоортоос хамаагүй давуу.

4. Дасгалжуулагчийн хувьд ойлгомжтой. Рүүкий дасгалжуулагч Спөстрагийн эсрэг НБА-гийн финалд нэг удаа, бүсийн хагас шигшээд нэг удаа багаа тоглуулж байсан Майк Браун өрсөлдөнө. Кливлэнд илүү.

5. Сэлгээний тоглогчдын хувьд Кливлэндэд мөн туршлагатай тамирчид (Жөү Смит, Волли Шэрбяк, Саша Павлович) + гурвын буу Бүүбий хочит Жибсон бий. Харин Майамид Жамарио Мүүнийг эс тооцвол дан шинэковууд. Кливлэнд илүүрхэнэ.

6. Хөүмкоортоор нэгээр гарсан Кливлэнд мэдээж илүү.

Энэ үзүүлэлтүүдийг харвал Кливлэнд 5 тоглолтоор хожих болов уу. Cleveland in 5.

Кливлэнд-Атланта

1. Кливлэнд улирлын тоглолтууддаа Атлантай 4 тоглож мөн л 3 хожиж, 1 хожигдсон. Кливлэнд мэдээж илүү.

2. Арын тоглогчид буюу backcourt-ийг нь харьцуулбал Атлантад онооны машин Жой Жонсон, хашир туршлагатай Майк Бибби хоёр байгаа тул Кливлэндийг арай илүүрхэж магадгүй.

3. Урд талын тоглогчид буюу frontcourt-ийн хувьд дээрх Майамитай харьцуулсныг үз. Дээр нь Атлантагийн Смит арай л залуу байна, гэнэн байна. Харахгүй юу тэр Майамитай хийсэн 5 дахь тоглолт дээр (Атлантад болсон) хөлнийхөө завсраар дамжуулалт хийн даанк хийх гэж оролдсоныг нь. Үүнд нь эгдүүцсэн Майамичууд өөрийнхөө талбай дээр хэрхэн үнсгүй болтол нь бут ниргэснийг харсан биздээ. Үүндээ хашрахгүй мань Смит дахиад ийм даанкийг Майамитай хийх 7 дахь тоглолт дээр хийсэн ч болохгүй юмгүй гэж байсан. Ал Хорфордын биеийн байдал жаахан асуудалтай байгаа, Марвин Виллямс ч гэсэн бас л бараг л догонцож тоглож буй. За ингээд Кливлэнд илүү болох нь тодорхой байгаа биз.

4. Дасгалжуулагчийн хувьд ойлгомжтой. Плэйоффод дөнгөж хоёрдахь удаагаа багаа тоглуулж байгаа дасгалжуулагч Майк Вүүдсоныг нөгөө Майктай нь харьцуулахад шинэков болох нь тодорхой. Кливлэнд илүү.

5. Сэлгээний тоглогчдын хувьд Кливлэнд илүүрхэнэ. Атлантад нээрээ үзээд өгье ч гэсэн Морис Эвансаас өөр олигтой амьтан алгаа.

6. Хөүмкоортоор нэгээр гарсан Кливлэнд мэдээж илүү.

Энэ үзүүлэлтүүдийг харвал Кливлэнд мөн л 5 тоглолтоор хожих болов уу. Cleveland in 5.

Стэрн арай дэндэж байнаа

Энэ жилийн плэйоффын хамгийн сонирхолтой тоглолт Бостон-Чикаго хоёрын дунд өрнөж байгаа гэхэд санал зөрөх хүн байхгүй бизээ. 6 тоглолтын 4 нь нэмэлт цагаар шийдэгдсэн гэхээр ямар өрсөлдөөнтэй болж байгаа нь ойлгомжтой. Хамгийн сүүлийн тоглолт гэхэд 3 нэмэлт цагаар шийдэгдлээ. НБА-гийн түүхэнд плэйоффын нэг цуврал тоглолтод хамгийн дээд тал нь 3 тоглолт нэмэлт цагаар шийдэгдэж байжээ.

Хэдий ийм сонирхолтой тоглолт өрнөж байгаа боловч, НБА болон тэдний шүүгчдийн шүүж байгаа байдал тоглолтыг гутааж байна. НБА, НБА ч гэж дээ Стэрн Бостонд хичнээн хайртайгаа харуулах гэж ядаж байнаа. Багуудаа ингэж алагчилж үзээд байвал НБА-гийн нэр л унахаас цаашгүй дээ.

Та нар хэрвээ энэ цуврал тоглолтыг үзэж байгаа бол Ражон Рондо хичнээн бохир тоглогч болон төлөвшиж байгааг төвөггүй ойлгох буй заа. Бостонд болсон тавдахь тоглолтод Рондо Көрк Хайнричийг дэгээдэж унагаад нүднийх нь дээр байх оёдлыг задлаад зогсохгүй, сүүлийн мөчид Брэд Миллэрийг толгой руу нь дэлсээд авахад нь зүгээр л алдаа өгч байгаа юм даа. Бөмбөгөнөөс тээр хол гар нь очоод л Брэдийн шанаа руу хусахыг НБА-гийн бүх үзэгч сохор л биш бол харсаан. Харин НБА-гийн шүүгчдийн хувьд Бостоны өмсгөлтэй хүн харахаараа нүд нь түр зуур сохордог бололтой.

Гурван нэмэлт цагаар шийдэгдсэн зургаадахь тоглолт түүхэнд бичигдэхээр тоглолт болж дууссан. Харин энэ тоглолтын нэг гол баатар нь мөнөөх л Рондо байв. Мань эр аанай л Көрк Хайнричийг гараас нь угз татан оноо тэмдэглэгчийн ширээ рүү түлхэж унагалаа. Ингэхэд нь өт ч гэсэн биенд нь хүрэхээр арвалздаг юм болохоор Көрк эргээд дайрахад нь бас тохойдох гэж үздэг байна ш дээ. Энэ тулааны эцэст мэдээж Рондо шүүгчдийн ивээлээр дөнгөж санаатай алдаа авсан бол Көрк техник алдаа авсан. Уг нь бол Рондогийн хийсэн үйлдэл 2-р зэргийн санаатай алдаанд тооцогдож, шууд тоглолтоос хөөгдөж, дараачийн тоглолтыг өнжих ёстой болох байсан юм.

Гэвч НБА бол НБА, НБА лаавз Бостон.

НБА яахав худал үнэн тоглолтыг хянана гэсээн. Тэгээд өнөөдөр юу гэж зарласан гээч. Рондод нэмэлт шийтгэл оноохгүй гэжээ. Рондо яаж ч авирласан Стэрний хайртай гөлчгий хэвээр үлдмой.

Сүүлийн жилүүдэд НБА-гийн энэ мэт алагчилсан шүүлт плэйоффыг ихэд гутаах болсон. Жишээ гэвэл Спөрс-Фөниксийн тоглолтыг шүүсэн шүүлт байна. Хоори гэж нэр нь хүртэл хорлогчин нөхөр Нэшийг мөн л ширээ рүү түлхэж унагахад Стүдэмайэр ухасхийн босч ирээд нэг тоглолт өнжсөн бол Хоори нь хоёр тоглолт өнжсөөн. Энэ тоглолтын үеэр өөр бас нэг хэрэг явдал дэгдэхэд нөгөө талаас босч ирсэн Даанкэн энэ тэр болохоор зүгээр өнгөрснийг санаж байгаа биз дээ.

Майамийг бас дэмждэг ч гэсэн бас 2006 оны Даллас-Майамийн финалын тоглолтыг ч дурдахгүй өнгөрвөл шударга биш хэрэг болно. Энэ тоглолтод шүүгч нар илэрхий Майамийн талд шүүж байсныг та нар мартаагүй гэж найдна.

Стэрн арай дэндэж байна шүү. Үнэхээр дэндэж байна.

Миний таамнал буюу зөгнөл (мөрөөдөл?)

Плэйофф ч дөхөж байна. Өрнөд конференцийн нанчилдаан ч улам ширүүсч байна.
Энэ жил хэн аварга болох бол? НБА-г үзэгч хэн бүхний сэтгэл дотор нэг баг байгаа биз.
Эдний нэг нь болохын хувьд өөрийн таамналаа (мөрөөдлөө?) хуваалцъя даа.

Зиаг эхлээд Дорнодоос эхэлсэн нь дээр байхаа. Бараг хэн хэн хэдээр гарах нь тодорхой болчих шахсан учраас таамнал дэвшүүлэхэд арай л дээр байна.

Нэгээр Кливлээнд баараагүй гарнаа. Кливлээндтэй өрсөлдөх баг нь харин хараахан тодорхой биш байна. Яг одоо бол Чикаго Буллзтай таарахаар байна. Гэхдээ Чикагогийн (одоогоор 36 хожиж, 39 хожигдсон) үлдсэн 7 тоглолтын 5 нь өөрийнхөө талбай дээр байгаа, дээр нь яваа Детройт Пистонзын (одоогоор 36 хожиж, 37 хожигдсон) хувьд талбай дээрээ 3, айлын талбай дээр 6 тоглох үлдсэн байгаа. Дээр нь Чикагогийн тоглох багууд дунд Детройтоос өөр плэйоффт орох баг байхгүй байхад Детройт Кливлэнд, Майами, тэгээд мэдээж Чикаготой таарна. Тэхээр 8-аар бараг Детройт л гарах болов уу даа. Кливлээндийн хувьд Чикаго ч байна уу, Детройт ч байна уу ёстой падлий байхгүй. Алийг нь ч байсан хөнгөхөөн 4-0-дох болов уу.

Хоёроор гарах багийн хувьд жаахан асуудал байгаа. Орландо, Бостоны аль нь ч гарж магадгүй. Орландо гарч ирсэн тохиолдолд Чикаготой таарвал хожих байх, харин Детройттой таарвал мэдэхгүй ээ, яаж ч мэднэ. Энэ улиралд Детройтын хүч миарчихаад байхад хүртэл эдлүүлээд л байна (Детройттой гурав таарч гурав хожигдсон).

Бостон хоёроор гарч ирвэл Чикаго, Детройтын аль нь ч байсан нухчих байх.

Гурваар гарах баг бас тодорхойгүй. Аль нь ч байсан гэсэн зургаагаар гарах нь бараг л тодорхой болсон Филаделфитэй тулах болов уу. Бостон байлаа гэхэд