Нью-Йоркын хоёр гол оноочин явлаа

Никсийн хоёр гол оноочин Зак Рэндольф, Жамаал Кроофорд нар нөгөө эргийн багуудад тоглох нь тодорхой боллоо. Өнөөдөр Закыг Марди Коллинзын хамт Лос Анжелес Клипперсийн Каттино Мобли, Тим Томас хоёроор, Жамаалыг Гөүлдэн Стэйт Ворриорзын Ал Харрингтоноор тус тус тулжээ. Донний Волш фэнүүддээ мэдэгдэл хийжээ. 2010 он бидний гол зорилго гэсэн байна. Зак, Жамаал хоёр болохоор 2010 оноос цааш үргэлжлэх гэрээтэй байсан бол оронд нь авч байгаа тоглогчдын хэн нь ч 2010 оноос цааш гэрээгүй буюу чөлөөт агент болох юм байна. (Түүнээс гадна Тим Томас Майк Д Антонийн дор Феникст сайн тоглож байсан.)

Тэхээр Донний ахын Жэймсийг авах мөрөөдөл нэг шатаар ахилаа гэсэн үг. Ямар ч байсан 2010 он гэхэд цалингийн цэсээ багасгах боломжтой болжээ.

Энэ улиралд хоёр гол оноочноо явуулсан Никс мөн л лигийн баян ходоод болох нь ээ. Ингэснээр лигдээ бас нэгэн амжилт үзүүлж байгаа гэсэн шүү. Найм дараалж сүүл барьсан анхны баг болох юмдагуудаа.

Кавальерс 6 дараалж ялав

Кливленд Кавальерс өнөөдөр Денверийг хожсоноор зургаа дараалж яллаа. Энэ жил Кливленд харин юм дуулгахийн биш байгаа? Жил бүр л Кливлендийг яах бол яах бол гэсээр байгаад залхах дөхжийншүү.

Эхний хагастаа хоёр баг хамгаалалт бараг хийлгүй, баахан харилцан шидэлцэж тоглосон гэнэ. Урьд тоглолтондоо 50 хувь хүрээгүй шидэлт үзүүлж байсан Кливленд хамгаалалт муутай Денверийн эсрэг 57 хувьтай шидсэн байна.

Тоглолтын шүүлт голдуу л талбайн эзний талд шүүгддэг заншил ёсоор Кенион Мартинд хоёр удаа техник өгөөд талбайгаас хөөсөн чинь мань хөөрүү гар шүүгчийг нь барьж авсан алахаар дайрчээ. Шүүгчийн аз болоход тоглогчдынхоо төлөө огт хөдөлдөггүй, Фил Жэксоныг худлаа дуурайгч Жорж Карл дундуур нь орж шүүгчийн амийг аварсан нь тодорхой.

Уг нь гайгүй дасгалжуулагч байсан бол тоглогчтойгоо нийлж байгаад шүүгчийн эд бадыг хийчихээд талбайгаас хамтдаа хөөгдөх байсийн. Хаха. Худлаа худлаа. Тоглосийн шүү. Тэхдээ л Жорж Карл үнэн хөгийн дасгалжуулагчдаа.

Кливлендийн хувьд Мо Виллиамсыг авчирсан нь нүдээ олсон наймаа болсон болтой. Энэ тоглолтын сүүл рүү Жэймсийг амарч суух хооронд нь Денвер оноогоо 7 онооны зөрүүтэй болгон ойртуулахад нь мэргэн бууч Мо 5 оноо дараалан авч онооны зөрөөг улам холтгосон байна. Жэймс тэхэд нь босч ирээд Мо-д баяр хүргэж цээжээрээ мөргөлдцгөөсөн юм байхөө. Тэгж байж бэртээчих вий дээ. Жэймс тэгж байгаад мангар шүү.

За за ямар ч байсан миний хайртай Кливлендчүүд овоо шүү. Урагшаа морьтнуудаа. Урагшаа

Лэйкерс аймаар байнааа...

Лэйкерс нээрээ аймаар байнаа. Шинээр тодорч эхэлсэн Хьюстон, Нью-Орлеанз хоёрыг юм болгосонгүй ээ. Дээр нь Далласаар хачир хийгээд хуссан. Вээстийн багууд финаалд л үлдье гэж бодож байвал заавал Лэйкерсийг л дарах хэрэгтэй болох нь дээ.

Хьюстонтой тоглоход Байнум Яотой тулаад жаахан завгүй, үзүүлэлт муутай дууссан боловч Газоол нэг хоёр элэгдүүлэнгүүтээ уур нь хүрээд 20-15-даг байна ш дээ. Кооби ч гэсэн Рон Артестын хүчний тоглолтын эсрэг хүчтэй гэдгээ харуулан гайхалтай тоглолт үзүүлсэн нь багийнхныхаа урмыг хөгжөөв.

Даллас ч юм болоогүй, тэр тухай яриад амны гарз.

Харин Хорнетсыг Байнум дээрэлхсэн байналээ. Үзүүлэлтийг нь хараарай. Хэдгэнүүдийн Чэндлер Байнумд юм болохгүй нь тодорхой боллоо.

Харин Ийстэд Бостон мөн л эвгүй байна шүү. Тэд нэг ч хожигдолгүй явсан Атлантагийн залуучуудад айхтар сургамж өглөө. Бостоныхон Пийрсээ супермэн гээд байдаг болчихож нээрээ. Уг нь ч Пол үнэхээр супермэн шиг тоглож, 0.5 секунд дутуу байхад хожлын бөмбөг хийсэн л дээ.

Нээрээ Оден багтаа эргэж ирсэн гэнээ. Майамитай тоглосон тоглолтод мань хүн гарсан. Гэхдээ энэ тоглолтын од нь нөгөө Испанийн од Рүүди Фернандес болжээ. Ямар ч байсан Портлэндчүүд Одендоо гоё сүүрприз барив.

Өнөөдрийн хамгийн сонирхолтой тоглолт нь Хьюстон, Феникс хоёрын тоглолт болжээ. Зодоон цохионтой тоглолтуудад дуртайг хэлэх үү энэ тоглолтын бичлэгийг нь ч болтугай нэг үзнээ сүүлд. Рафер Алстон, Мэтт Барнесийн эхлүүлсэн зодоонд Стийв Нэш дундуур нь ортол МакГрэйди цохиод авчээ. Харин МакГрэйдиг Шаак шалан дээр хэвтүүлсэн сурагтай. Алстон, Барнес хоёр хөөгдөж, гурван супер од маань харин нэг нэг техник авчээ. Торгуулийг нь Яо шидсэн чинь долирдсон болтой.

За өнөөдөртөө НБА хуучаа ингээд өндөрлье.

Шинэ сезон шинэ эрч хүч

Шинэ сезон эхэллээ. Энэ үнэхээр сонирхолтой сезон болох төлөвтэй байгаа шүү. Зуны наймаанууд багуудад маш их хөдөлгөөн оруулсан. За эхнээс нь дурдаад дурдаад явчихнаа.

1. Лэйкерсийн Байнум эдгэрсэн. Лэйкерс эхний 2 тоглолтоо төвөггүй бөгөөд тасархай давжээ. Кооби, Байнум, Газоол, Фийшер, Оодом, за тэгээд Арийза, бас өнөө жижиг чинь хэн билээ? яаая Лэйкерс энэ жил үнэхээр тасархай багтай байнаа. Дахиад нэг том гэмтэл гарахгүй л бол цом баталгаатай. Нээрээ Байнум гэрээгээ сунгасан. 4 жилээр, 58 саяын гэрээ хийвээ. Дараа жилээс арав гаран сая доллар аваад эхэлнэ гэсэн үг. Байнум, Коби хоёр Лэйкерстээ байхад ч дараачийн хэдэн жил арчаад өгөх байлгүй дээ.
2. Портлэндийн Грег Оден эдгэрсэн. Гэвч харамсалтай нь сезон эхлэнгүүт Лэйкерстэй тоглож байхдаа шөрмөсөө сунгаад одоо доод тал нь 2 долоо хоног байхгүй. Үнэхээр харамсалтай.
3. Хьюстон Роныг авсан нь эхний хоёр тоглолтод үнээр их тус болжийнаа. Сүүлийн тоглолтод Яо-г Мавриксийн нэг нь тохойдсон чинь Рон шууд дундуур нь ороод техник авсан гэнээ. Яо, Роны үерхэл бат байх болтугай. Тэгвэл Хьюстон энэ жил Вээстийн финалд магадгүй шүү.
4. Клийвленд уг нь Мо Виллиамс гээд дажгүй буу авсаан. Яахвээ зайлуул. ЛеБроныг тогтоох гэж байдгаа барж байна даа. Клийвленд. Сүүлийн тоглолтод (өнөөдрийн) Клийвлендчүүд ЛеБронгүйгээр хожсон байна лээ. Болжийн ш дээ уул нь. Ингээд байвал өөр хэрэг шүү. (гэхдээ эхний өдөр Бостондоо нухуулсан байна лээ.) Бостонг л давчихвал уг нь аваргын цом ойрхон байна даа ойрхон байна. Клийвленд жаахан махийхгүй бол 2010 онд ЛеБроныг алдаж магад. Цаана чинь Нью-Йорк Никс бэлдээд л сууж байна. Бас Лэйкерс ч авч магадгүй цуу явжийн.
5. Нью-Йорк Никс Исайах Томасыг явуулж, Майк д'Антониг авсан нь аз уу эз үү. Гэхдээ хөгшин бурхи Волш зүгээр ч нэг Майкийг дасгалжуулагчаар сонгоогүй байхаа. Сезоноо их л өвөрмөц эхэлж байна лээ дээ. Старбури, Карри билүү Көрри гэдэг хоёр нөхрийг бенчэлж (нөөцөнд суулгаж) эхэлсэн нь өнгөрсөн үеэсээ салах эхний оролдлого болж, Нью-Йоркийн фэнүүдийн магнайг тэнийлгэв. 2010 он гэхэд Жэймсийг авах хэмжээний мөнгө гаргана гэжугаа.
6. За тэгээд Элтон Брэнд Филадельфи рүү явсан нь 76-чуудыг улам л их даанкжуулж байна. Бостонд л улам хэцүү болж дээ.

За өнөөдөр буу халахаа ингээд зогсооё. Дараа үргэлжлүүлнээ. Stay tuned гэдэг билүү. Манайхаар сувгаа бүү солиорой.

НБА-гийн эвдэрхий цаг

НБА-гийн цаг байсхийгээд л эвдрэх юм. Зайлуул Дэвид Стернд мөнгө олддоггүй бололтой. Байсхийгээд л цагтай холбоотой хэл ам. Цаг гацсан. Цаг түрүүлсэн. Цаг хоцорсон. Цагийн буруу явалт тоглолтын хувь заяаг шийдсэн.
Өнөөдөр л гэхэд Орландо-Детройтын хоёрдахь тоглолтын хувь заяаг үндсэндээ гуравдугаар үеийн төгсгөлд гацсан цаг шийдсэн гэхэд болно.

Дөнгөж 5 секунд хүрэхгүй хугацаа үлдчихээд байхад Биллапс бөмбөгөө залсаар орж, бөмбөгөө нэг дамжуулаад эргүүлж аваад гурваас шидэн оруулснаар гуравдугаар үе 78-76-гийн харьцаатай Детроитын талд ашигтайгаар дуусчээ. Ийм их үйлдлийг энэ цөөхөн секундэд хийж барах уу? Гацсан цагтай бол болохоор юм байна гэдгийг Детроитын цаг, Биллапс хоёр харууллаа.

Биллапсын буруу ч гэж юу байхав дээ. Гол учир тэр цаганд л байна. Цагийг эргээд шалгах гэхээр НБА анх Дэлхийн хоёрдугаар дайны дараахан (1946 онд) үүсэх үед батлагдсан дүрэм саад болсон гэнэ дээ. Энэ дүрмийг гарах үед телевиз, электрон цаг бараа сураг ч үгүй байсан цаг. Энэ дүрмийн дагуу шүүгч нар цагтай холбоотой маргааныг ямар ч техник хэрэгсэл ашиглахгүйгээр шийдэх ёстой юм байна. Өөрөөр хэлбэл телевизийн бичлэг ашиглахыг хатуу хориглодог юм байна.

Уул нь плэйоффын тоглолтуудыг Америкийн үндэсний том том телевизүүд шууд дамжуулдаг болохоор ийнхүү тулгаж шалгах техникийн бүрэн боломжтой ажээ. Даанч энэ нэг хоцрогдсон гэхэд дэндүү хоцрогдсон, XXI зуунд электроник бараг дээд цэгтээ тултал хөгжчихсөн өнөө үед үйлчилж байгаа сампингийн үеийн дүрэм саад болжээ.

Тэгээд яахав хөөрхий хэдэн шүүгч "За байзуу. Дөрвөн бүхэл аравны таван секунд болсийн болуу. Эсвэл дөрвөн бүхэл аравны найман секунд болсийн болуу." гэж цээжнийхээ бангаар бодож суух ажээ. Ийнхүү гайтай хөөтэй гацаа цаг, амбасын үеийн арай дэндүү дүрэм хоёрын ачаар Орландо Мэжик хожигдож хүндхэн байдалд орлоо.

Мэдээд байсийнмаа мэдээд байсийн

Спөрс хоёр дараалан хожигдов. Ийм явдал бүүр 2001 онд Лэйкерст 4-0-дуулахад л болж байсан. Одоо Шинэ Орлеаны шижигнэсэн залууст бас 4-0-дуулахад ойрхон боллоо. Эдгээр хожигдлын уг шалтгаан нь Хорнетсийн тоглолт Спөрсийнхтэй сайхан таарч байгаатай холбоотой.

Эхний тоглолтод Спөрсийн хамгийн эмзэг цэг болох дундын зайнаас Дэвид Вэст бөмбөгдсөөр байгаад хожсон билээ. Ядаж байхад Тайсон Чэндлер Тим Данканыг хамгийн шилдэг төв гэж боддог учраас өчнөөн жил судалсан нь энэ тоглолтод Данканыг юу ч биш болгоход хамгийн их тус болжээ. Данкан ТАВХАН ОНОО, ГУРАВХАН САМБАРААС БӨМБӨГ АВАЛТТАЙ тоглолт өндөрлөсөн гээд боддоо!!!! Данкан ёстой өмнөөс нь Баагий ичиж үхмээр тоглолт үзүүлсэн.

Хоёрдахь тоглолтод Спөрс мэдээж стратеги тактиктаа өөрчлөлт оруулж тоглох нь тодорхой байсан. Ингээд мэдээж Дэвид Вэстийг шидүүлэхгүй хамгаалж тоглох тактик баримтлан тоглолоо. Энэ тохиолдолд хэн хамгийн сайн тоглох вэ? Мэдээж КРИС ПО. Крис По жинхэнэ шоу үзүүллээ. 30 оноо, 12 оновчтой дамжуулалт!!! Үнэн тасархай. Крис По үнэхээр супер од болжээ. Түүнийг хэн ч дийлэхээсээ өнгөрч байх шиг байна. НБА-гийн хамгийн хурдан тоглогчдын нэг Паркер хүртэл Крис По-г гүйцэхээ өнгөрчээ.

Дээр нь алдарт гурвын буу Стоякович 3-аас 7 удаа шидэж 5 удаа оруулсан нь бүүр нэрмээс болсон. Стоякович плэйофф эхэлснээс хойш 3-аас нийтдээ 28 удаа шидэж 17-г нь оруулсан байх юм. 60-аас дээш хувийн шидэлт. Ийм амжилт үзүүлэх сагсчин НБА-д бараг байхгүй дээ.

Данканы тоглолт эхнийхээсээ хамаагүй дээрдэж 18 оноо авч, 8 удаа самбараас бөмбөг авсан боловч энэ нь үнэхээр хангалтгүй байлаа. Тайсон Чэндлер 11, Дэвид Вэст 10 удаа самбараас бөмбөг авсан нь нэг юм хэлээд байгаа биз? Тиймээ энэ нь Данканы үе өнгөрч залуусын үе ирж буйг сануулсан дохио болж байна.

Ийнхүү Спөрсийн династи Крис По-гийн удирдсан Шинэ Орлеаны шинэ үеийнхний өмнө зайгаа тавьж эхэллээ! Крис По хэмээх жижигхэн биедээ баймгүй их авъяас чадалтай шинэ МЕГА-СУПЕР ОДЫН ӨМНӨ АЮУТУГАЙ БИШИРТҮГЭЙ.

Шинэ супер од төрж байна. Түүнийг Крис По гэдэг

Түүнийг Крис По, бас CP3 ч гэдэг. Сагсчид дундаа намханд тооцогдох энэ жоохоон залуу супер одын зиндаанд хүрсэнээ азгүй Далласчуудад харуулж байна. Өчнөөн удаа плэйоффт тоглосон хашир туршлагатай Далласыг хоёр дараалж ялна гэдэг ямар ч багт хэцүүхэн даваа. Гэсэн ч Крис По ба түүний нөхөд үүнийг чадлаа.

Крис Пог барих хүн үзээд өгье гэсэн ч Далласт олдохгүй байна. Жэйсон Кидд ч зайлуул хөгширч дээ. Одоо ч нэг их удахгүй зодгоо тайлах цаг болсон байна. Өнөөдрийн тоглолтод Дөрк Новицки хүртэл Киддэд туслахаар гурвын шугам руу ухасхийж байв.

Гэсэн ч нэмэргүй. CP3 тэдний дундуур зүсээд л, эсвэл хуураад л орчихож байна. Бараг Далласынхны каадрыг зогсоож байгаад тоглочихсон юм биш үү. Өнөөдөр нийт 32 оноо, 17 оновчтой дамжуулалт хийж, оновчтой дамжуулалтаар өөрийн клубын плэйоффын рекордыг эвджээ. Өмнө нь бүүр 1993 онд Маггзи Богс гэгч нөхөр 15 удаа оновчтой дамжуулж байсан байх юм.

Дасгалжуулагч Байрон Скотт нь манай Крис ч лигдээ тэргүүлэх пойнтгаард боллоо доо, ур чадвараараа шал өөр түвшинд хүрчээ гэж бахдан дуу алдаж байна.

Нью-Орлеанз Катрийна матрийна гээд өчнөөн юм туулж байж гайгүй баг болчихоод 2010 онд Крисээ Нью-Йорк Никст алдчихвал ч ёстой харамсаад барахгүй юм болно доо. Тэр үед Крис, Жэймс хоёрыг авна даа гээд Никсийнхэн тоочиглоод байна гэж цуурцгааж байна, цаагуур чинь.

За, ямар ч байсан Крис По Далластай тоглосон эхний хоёр тоглолтдоо (35-10, 32-17) гайхамшигтай амжилт үзүүлж супер-од болсноо нэгэнтээ харуулж чадлаа. Түүний дэргэд Далласын хоёр ч бүх-од, ялангуяа Кидд зүгээр байдаг л нэг гарууд шиг харагдаж байв.

ЛеБрон эр хүн

ЛеБрон Жэймс ямар ч байсан гонгиносонгүй эр хүн шиг байж, нэгдүгээр тоглолтондоо ялалт байгууллаа. Вашингтон Визардс-ын тоглогчид мань эрийг уул нь арай л дэндүүлсэн л дээ. Кливленд Кавалиерсийн хожсон энэ тоглолтод өрсөлдөгч багийнхан нь бүгд л Кинг Жэймс рүү дайрч, бараг бүгд нэг нэг монжиж авсан. Эхлээд Андрэй Блачэ Жэймсийн нүүрэн дундуур буулгаад авдаг байнашдээ. Тэгээд л эхэлсэн дээ. Гар, хөлөөрөө цохиод л, цавчаад л... Нэг удаа Брэндан Хэйвүүд Жэймсийг унагачихаад бүүр давраад дээр нь таахалзан зогсоод байхаар нь Жэймс босч ирж шөргөөцөлдөөд авсан гэжугаа. Ингээд мань хоёр хоёулаа техник авах болзлоо хангаад байжийтал Вашингтоны Жамисон сандарч гүйж ирээд бас техник авчихсан. Кливлендийн Биг Бен, Биг Зи хоёр харин арайчүү амьсгаадсаар сүүлд ирсэн чинь шүүгч нь техникээ харамлаад новширсон гэжугаа.

Гэсэн ч НБА-г оноогоор тэргүүлэгч Жэймс ямар ч байсан 32 оноо авч, сүүлийн минут хагасын хугацаанд 2 бөмбөг хийсэн нь Визардсыг бүрмөсөн бутниргэлээ.

Визардс сүүлийн гурван жилийн турш Кливлендтэй плэйоффын эхний үед таарчихаад байгаа юм. Ноднин, уржнан хоёр Визардс хусуулаагүй юү тэгээд.

Жэймс өчнөөн төчнөөн монжуулснаа юман чинээ бодохгүй "Өө яахав. Хэд цохиулахад яахав дээ. Жэймс дээр алдаа гаргах нь зүгээр алдаанаас шаал өөр. Намайг бүүр шалчийлгах зорилготой алдаа хийдэг л дээ. Гэхдээ би юу гээд л тэдний бахыг хангахав дээ" гэж байгаамдаа.

Цааш нь “Би юм санаад байдаг хөгийн эр биш л дээ. Яахав хүн бүр намайг гэмтээх гэдэг. Миний эсрэг аль болох л айхтар алдаа хийдэг л дээ. Үүнийг нь би мэддэг. Гол нь би өөрийгөө л хамгаалах ёстой” гэсэн нь түүний үнэхээр плэйоффын хат суусан чанга эр болохыг нь харуулж байна.

Хоёрдахь тоглолт маргааш өглөө болно. Халуухан ч юм болно доо. Вашингтон Кливлендийн талбай дээр нэг хожиж авахгүй бол ноднин, уржнангийнх шиг л юм болох шинжтэйдэг шүү.

Коби Лос Анжелестаа жаргалтай

Сүүлийн хэд хоног Коби шиг жаргалтай хүн алга байх шиг байна. Даваа гарагт Коби сурвалжлагч нарыг дуудаж уулзаад ямар жаргалтай байгаагаа хуучилжээ. Ердөө л жил хүрэхгүй хугацааны өмнө машины зогсоол дээр есөн жорын юм ярьж, намайг худалдаад өгөөчээ хэмээн гуйж байсан Коби одоо сахиулсан тэнгэрүүдийн хотдоо туйлын хайртай болчихож. Коби сэтгүүлчдийн өмнө суучихаад “Би Лос Анжелесийнхаа агаарт хайртай, би 63 оны оройгүй Импаладаа хайртай, би 405-р замд хайртай, би багийнхаа нөхдөд хайртай” гээд зогсохгүй зодгоо тайлан тайлтал Лэйкерстээ л тоглоно гэчихжээ.

Өнгөрсөн зун Капчакийг тэнэг мангараар нь дуудаж, F дүн тавьж байсан Коби одоо дүнгээ засч A+ тавихад болохгүй юм алга гэжээ. Ингэхдээ өнгөрсөн хэдэн драфтаар хэдэн шижигнэсэн залуу авсан, энэ жил бас Ариза, Газоол хоёрыг наймаагаар авсан зэрэг гавъяаг нь үнэлсэн бололтой. Тэхдээ бас би л ер нь тэгж пижигнүүлээгүй бол өдийд зогсонги байх байсан гэж өөрийгөө хөөрхөн дөвийлгөөд авчээ. Капчак өөрийг нь гуйхад шууд зарчихаагүйд их баярласнаа бас хэлсэн байна. Лэйкерс 4 жилийн турш ямар ч олигтой амжилт гаргалгүй явсаар ирсэн нь мань эрийн цөхрөнгийг барсан учраас л өөрийгөө зарчихаач гэж гуйсан, харин энэ жил ёстой тасархай байнаа гэж Коби инээд алдан ярьж суух юм. Дараа жил Коби гэрээгээ цуцлах боломжтой боловч тэр талаар ерөөсөө бодоогүй, Лос Анжелесдаа л үлдэнэ гэжээ.

Лэйкерс энэ жил аварга болж чадахгүй бол дараа жил баталгаатай аварга болох нь ойлгомжтой. Гарааны тав нь Байнум, Газоол, Одом, Коби, Фишер, нөөцөнд Вуячич, Фармар, Туриаф, Ариза, Радманович байна гээд л бод л доо.
Үнэхээр тасархай. ЛАЛ ямар ч байсан плэйоффоо олон хүний бодож байсанчлан хожиж эхэллээ. Цаана нь арван тавхан хожчихвол ч аваргын бөгж авлаа даа авлаа.

Коби жаргалтай байна. Кобиг дагаад би ч жаргалтай...

Денверт найдлага байна уу?

Жорж Карл гэдэг дуракийг яая даа байз гэж Денверийн хөгжөөн дэмжигчид үгээ хэлж байх шиг байнаа. Нөгөө дурак нь яахавдээ Ж.Р.Смитийг хавчдагаараа хавчиж, цөөн минут өгсөн болоод харин тэр нэг үлгэн салган Энтони Картерээ хичнээн ч минут тоглуулдаг юм дээ. Нөгөөдөх нь ч гэж унхиагүй амьтан. Надад бөмбөг битгий өгөөсэй, надад л бөмбөг битгий өгөөсэй гэсэн шинжтэй нүд нь бүлтэлзээд л гүйгээд байна. За тэр Маркус Кэмби гэж ашиггүй гонзгой нэг ширхэг байнаа. Газоолыг хаагаарай гэсэн чинь Газоолыг сул тавиарай гээд ойлгосон юмшиг байгаан. Газоол нь 36 оноо, 16 самбараас бөмбөг авалт, 8 оновчтой дамжуулалт, 3 блог бишээ блокшоттой эхний тоглолтыг дуусгасан байгаамдаа. Газоол 8 дамжуулалт хийгээд байхдаа яахавдээ. Ямар Крис По, Дерон Виллиамс, Стийв Нэш нар шиг пойнтгаард биш дээ. За тэгээд Денверийн бас нэг гай нь нөгөө согтуугаар машин жолооддог, хар тамхи халаасалж явдаг, золбин хэдэн харын дууны клипэнд цохиж явсан эрх банди Кармело Энтони (товчхон нэр нь Мело) ёстой нэг амиатаж өгчээ. Өчнөөн шидээд (26 удаа) дөнгөж 11-ийг нь оруулсан байгаамдаа. Айверсон ч гэж Айверсон, таарсан таар шуудай. 13 удаа чөлөөт шидэлт гүйцэтгээд дөнгөж 7-г нь оруулж байгаа хүнийг яах вэ? За за ерөнхийд нь нэг дүгнээд хэлэхэд энэ Денвер гаагуу тоглодог Смитээ хавчиж барилгүй гарааны тавд гаргаад, Энтони Картер ч гэлүү нөгөө нөхрийг замений суудалд бат гэгч нь суулгаад, "амиа тоглолтууд" гаргахгүй байвал яахав Лэйкерсийг нэг хоёр хожиж болох л юм. Гэхдээ ч найдлагагүй дээ. Лэйкерс бараг л 4-0-оор л хусна дөө. Харж л байгаарай.